Apple Music 古典樂香港上線！ Apple Music 用戶免費聽

之前都同大家報導過，Apple 會推出一個「Apple Music 古典樂」嘅獨立 APP，畀大家可以盡情享受高雅嘅古典音樂。而家呢個APP正式喺香港上線，所有 Apple Music 嘅訂閲用户都可下載使用「Apple Music 古典樂」，無須額外付費。

據資料「Apple Music 古典樂」有成 500 萬首曲目，用家可根據作曲家、作品、指揮、樂器、作品時期、樂團或合唱團搜尋及瀏覽。而呢個專為古典音樂設計嘅新界面，具備完整及準確的原始數據，畀用家清楚了解所聆聽的樂曲及音樂家，當然亦會靚聲音質。

GadgetGang都試聽過，都真係幾正，同一首歌都有極多唔同版本，平時聽太多K Pop，聽下古典樂，個人修養都高啲，心境都平和啲。