劉濤周渝民玩鴛鴦浴！網民冇眼睇：太重口味

內地女星劉濤與台灣型男周渝民（仔仔）主演嘅大陸歷史劇《大宋宮詞》成為網民熱話。不過劉濤繼之前一場出浴戲被批背厚手臂粗，又話佢年紀大扮少女，搞到劉濤發火，喺社交網反擊：「我的身材我做主！」

出浴戲有豈止得一場，該戲近日有一集播出劉濤同仔仔玩鴛鴦浴，齊齊半裸浸喺浴池幾咁香艷，仔仔更不停為劉濤按摩，搞到對方欲仙欲死。網民又發現水底隱約見到神秘黑點，其實只係劉濤胸口黑痣。不過呢場鴛鴦浴網民都係唔多受落，嫌太重口味，又話雖然劉濤比仔仔大3歲，但完全冇CP感，睇到人好尷尬。

東網網站 : https://on.cc/

東網Facebook專頁 : https://www.facebook.com/onccnews/