鄧梓峰「驚人」全家福老婆仔女一樣樣 網民話係《龍咁威》經典：鄧sir！

鄧梓峰日前於社交網晒出與陳曉華、陳瀅、麥玲玲及劉佩玥的合照，更風趣留言問網民：「畀你揀，到底邊個做我老婆，邊個做我個女，邊個做我細姪女，邊個做外母好呢？」順便為他有份參演兼熱播中的TVB台慶劇《美麗戰場》宣傳。

不過有網民就將相中其餘幾位女士全部P成鄧梓峰個樣，連鄧梓峰忍不往留言表示：「咁恐怖？」一向玩得的鄧梓峰更將網民製作的P圖，重新上載到社交網，留言表示：「多謝我FB朋友，而家唔使煩邊個係老婆，外母，女女，妹妹仔啦！全部清一色，打和，super！」不少網民看到P圖都聯想起鄧梓峰於電影《龍咁威》中的教學畫面，片中鄧梓峰就是用自己個樣製成人形紙板，再當成人質作教學，網民都留言表示：「唔准諗，即刻答（《龍咁威》經典對白）」、「全部都係鄧sir」、「諗起《龍咁威》」。

【點擊睇鄧梓峰晒「全家福」】：

【其他文章】：

唐詩詠著一塊布大解放 無天際泳池晒膊晒埋白滑長腿

Coffee着瑜伽褲拜山被網民炮轟 出新招大反擊估你唔到咁絕

林作世紀巧遇陳凱琳 偷拍後出po：好想要她一根頭髮

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ