盧慧敏首踏國際性表演舞台　為港爭光感動到喊

藝人盧慧敏（Amy）昨晚（22日）以香港唯一代表姿態，在亞博為潮流界盛事ComplexCon演出，與韓團BLACK PINK成員Jennie、組合ALLDAY PROJECT與Crush等世界頂級組合巨星同場表演，首次踏上國際性表演舞台。

Amy昨晚以一身黑色斗篷神秘現身，獻唱自己「顏色系列」廣東歌《白牆》之後脫去斗篷以11頭身完美身形示人，唱出《Red Flag》和《粉月》、西班牙歌《Dios Es Un Stalker》、Kali Uchis的《Moonlight》、Tyler, The Creator的《Sugar On My Tongue》，以及盧凱彤的《囂張》等7首歌曲。今次表演時間雖然短短30分鐘，但Amy也一絲不苟，親選獨特的歌單、歌曲編排、首次歌舞表演、電子屏視覺效果。演出時她更場帶動現場氣氛，觀眾也熱情回應大讚「Amy好靚呀！」。騷後觀眾在社交網洗版大讚她Complex Con的表現，激讚她是「真正香港之光﹗」

完騷後Amy仍心情興奮，更有莫名的感動，不禁眼泛淚光：「呢一個係我人生第一次真正以歌手身份踏上正式嘅舞台，好幸運搵人埋班嘅時候好順利，湊合到一班好有熱誠嘅人，企係舞台上表演真係唔係一個人可以做到嘅事，所以好感激大家，之後嘅歌都可以考慮吓有呢方面嘅元素。」她又透露歌曲中選了一首西班牙歌，因為希望媽媽聽到會好開心。

Amy則自評今次演出的表現只有50分，希望自己能一直進步，她還謙虛指是來叨Jennie的光，她說：「我知道嚟嘅人九成都係嚟睇Jennie，但係見到大家揸住BLACK PINK嘅手燈都會同我有互動、為我歡呼，WML咗滿滿嘅情緒價值我，令我好Enjoy呢個舞台！」

東網網站 : https://on.cc/東網Facebook專頁 : https://www.facebook.com/onccnews/