連詩雅與陳家樂相處直接：最憎玩估遊戲

藝人連詩雅（Shiga）最近接受新城廣播節目《原來生活好快樂》訪問，Shiga與陳家樂婚後，誕下一名女兒陳星頤（小星星），身份轉變為媽媽後令，Shiga急速成長，享受平淡之中的幸福。Shiga和家樂的囡囡快將1歲，形容一家三口生活愉快，並感恩日常之中多了一個人陪她經歷：「結咗婚後我唔係一個人，遇到難捱事會容易啲捱，有咗BB後，人生多咗責任，唔可以咁任性執着，亦要懂得放下同珍惜。」

講到和家樂夫妻間的相處之道，她指夫妻間沒有秘密，甚麼都會說，就算稍有摩擦，也會開門見山直話直說：「如果好嬲時面對面講唔到，我都會傳訊息講，我唔可以唔講，亦唔使你估，最憎玩估遊戲，所以我好鍾意我哋相處模式，佢對我好直接，我又好直接。」

至於，夫妻間的最大不同？她笑指家樂有時都略為執著，反而自己變得好冇所謂，她笑言：「女都生埋，我幾睇得開，老公自己揀，同佢有小朋友，又係自己想，點解仲要去傷大家感情？」她又甜絲絲大讚家樂：「佢都好Sweet嘅，會識做，因為我儀式感好重，以前一年慶祝十次，結咗婚有埋囡囡後，變咗一年三次，學識享受平淡之中嘅幸福。」她覺得成為人妻、人母後極速長大：「都算係，但長大得太遲，用咗太耐時間達到依家較滿意嘅成長，以前停滯不前，又想長大又唔想長大，我好多時都童心未泯，但都係時候要成長，因為已為人媽咪。」

東網網站 : https://on.cc/東網Facebook專頁 : https://www.facebook.com/onccnews/