葉泓聲成為首位獲馬來西亞最具影響力企業獎項香港藝人

前男子組合天堂鳥成員葉泓聲（Gordon）發展演藝事業之餘，亦忙孖太太陳樂榣（Ally）經營珠寶店生意，而兩夫婦的努力終得到認同，他成為首位獲得馬來西亞最具影響力企業獎項的香港藝人，更趁到馬國商演時，順道出席頒獎禮接受獎項。

對於在馬來西亞獲獎，Ally接受訪問時表示：「我哋品牌雖然喺馬來西亞未有實體店，但就有Online shop，都算打開咗當地巿場，希望明年可以擴展到實體店啦，不過今次我冇去到攞獎，由老公做代表，呢個獎可算係老公最佳嘅父親節禮物。」

Gordon則表示榮幸首度獲馬來西亞的企業獎，亦對當地巿場有信心：「獲認同令我對做生意更有信心。」又開心分享父親節時大豐收，兩名女兒各自送上心意卡外，長女又陪他返工再另多送一個電話殼，及親手泡製他最愛的齋啡；細女則在學校自製兩條領呔做禮物，至於晚上就相約父親舉家食飯慶祝。

東網網站 : https://on.cc/東網Facebook專頁 : https://www.facebook.com/onccnews/