雲浩影黑絲短裙騷長腿　與男舞蹈員跳辣身舞

歌手雲浩影（Cloud）一連兩場「Finding Cloud雲浩影演唱會2025」前晚完美落幕，兩晚演出都全場爆滿，Cloud的家人、音樂人男友T-Ma、好友馮允謙、黃淑蔓、張天穎及吳林峰等亦有到場支持。Cloud自彈自唱仙氣爆燈，還突破形象以短裙黑絲騷長腿跳舞，全場哄動。Cloud亦被觀眾的熱情感動落淚，高呼：「我好愛你哋呀！」

演唱會由「小小Cloud」給長大後自己的一封信開始，一身淡綠色長裙的Cloud仙氣登場，以鋼琴自彈自唱《Moon River》為演唱會揭開序幕。接着演唱出道第一首派台歌《願望之翼》，大屏幕為舞台上的Cloud添上一雙閃閃發光的翅膀，別具意義，她說：「我好多謝音樂令我認識大家，而我由細到大唔多朋友，可能性格比較『摺』，未試過搞生日會，但今日第一次有呢個Party同大家一齊去玩，好開心！」

Cloud換上吊帶短裙配黑絲，大騷修長美腿唱出《I Love You 3000》，更與男舞蹈員跳辣身舞，全場哄動，她搞笑問觀眾：「係咪好正呢？係咪比尋晚更加正呢？因為今晚爹哋冇嚟睇！」

於第一晚唱《你在我不遠處》時，被全場觀眾手機星海感動得掩面哭泣的她，來到尾場唱到這首歌時對觀眾笑言：「今晚我唔會喊㗎啦，你哋咪試吓囉！」但結果唱到最後一首歌《別畏高》時再次失守，她說：「我唔捨得你哋，可唔可以下次再見呀？」最後鞠躬和飛吻謝幕。

完成兩場演唱會，Cloud說：「兩晚帶畀我嘅感覺好唔同，包括我個人狀態同觀眾反應，第一晚好似同大家開Party，大家反應好熱烈，而我好用力唱慢歌時，觀眾亦好投入。」談到以3封給自己的信連繫整個演唱會，她解釋：「我冇寫日記習慣，但想喺第一個演唱會，用文字寫信畀依家嘅自己。」

完成兩場演唱會，Cloud說：「兩晚帶畀我嘅感覺好唔同，包括我個人狀態同觀眾反應，第一晚好似同大家開Party，大家反應好熱烈，而我好用力唱慢歌時，觀眾亦好投入。」談到以3封給自己的信連繫整個演唱會，她解釋：「我冇寫日記習慣，但想喺第一個演唱會，用文字寫信畀依家嘅自己。」

東網網站 : https://on.cc/東網Facebook專頁 : https://www.facebook.com/onccnews/