叱咤︱泳兒仲未着最性感戰衣　自嘲中女大躍進

歌手泳兒在叱咤頒獎禮中憑歌曲《無糖可樂》奪得「叱咤十大」第四位，悉心打扮以性感低胸裙上台攞獎的泳兒，在台上感觸落淚，得獎後她接受訪問表示：「喺台上已經控制住，之前攞獎實在喊得太過醜樣，因為冇諗過攞第4位，對上一次係第10位，簡直係中女大躍進。」

講到低V長裙全場最性感，泳兒表示：「其實有5條裙可以揀，呢條係第二最性感，最性或嗰條仲少布，但係因為太凍所以冇揀，呢條裙都做足安全措施嘅。」入行踏入20年的她希望可以舉行演唱會作為紀念，加上有3年沒有開演唱會，有點技癢，笑言在自己的演唱會上，服裝性感底線將會更低，可以更性感。而將來終極目標當然希望在紅館舉行演唱會。

東網網站 : https://on.cc/東網Facebook專頁 : https://www.facebook.com/onccnews/