香港土炮店製作日式牛丼！超足料秘製麻辣牛肉飯/大份鍋物/誠意小食

呢間用上鮮黃色主調嘅本土小店「加藤屋」，以親民價日式丼打響名堂，曾創下日賣 500 碗牛丼嘅紀錄，價錢雖然大眾化但分量多、質素大受好評，現時已有 4 間分店！最近推出體驗祭價錢 $39 優惠就可以食到號稱會上癮嘅麻辣牛肉飯！

呢個醬汁由老闆親自調研發食譜，辣得來有層次，牛肉選用肥瘦均勻嘅部位，掛滿辣汁也有香料芳郁味，而且濃稠度適中，佐珍珠米煮成嘅煙韌飯粒吃，是剛剛好嘅濕潤度。辣度方面除咗大、中、小辣，仲可以加 $1 升級做特辣，此體驗祭價錢只限定 4 月，嗜辣一定要試。

除咗各式丼飯，仲有鐵板飯、日式鍋物等，豚肉鍋定食 ($50) 嘅分量甚有驚喜，肉類及配菜好似食極都未完。而小食款式也有心思，脆炸旋瘋薯棒（$24）、薯絲蝦（$24）等，都係花心機嘅製作。