哥迪奥拿：雖然夏蘭特依家應該有15個入波，但唔需要成日批評佢我諗大家都明嘅，因為之後你會覺得自己需要道歉

曼城教練哥迪奧拿出席記者會被問到挪威🇳🇴前鋒夏蘭特最近狀態麻麻，哥迪奧拿就話「我係有啲擔心，夏蘭特有好多機會，佢依家應該有14至15個入波，但最重要就係夏蘭特成日都有呢啲機會，我覺得呢樣先至係最重要🙂。」

呢位西班牙🇪🇸教練又話「如果夏蘭特無機會嗰陣，佢就會拎唔到波同埋企係錯誤位置，咁樣先至出現問題，但係呢樣係唔會發生。我覺得唔需要成日批評夏蘭特，我哋可以批評後衛、教練，但永遠唔好批評入波最多嘅前鋒。我諗大家都明嘅，因為你之後會覺得自己需要道歉😂。」

夏蘭特最近陷入歐聯入球荒，呢位挪威🇳🇴前鋒第一次連續4場歐聯比賽無入波😶