回到校園時｜顏卓彬：享受每一刻

【體路專訪】校園生活為不少人留下難忘的回憶，運動校隊更是許多運動員的搖籃。欄目《回到校園時》由現役或前港隊運動員分享他們的今昔校園生活，也談談他們的想法。今次我們請來足球港隊代表顏卓彬分享。

顏卓彬小檔案

項目：足球
學校：保良局馮晴紀念小學、聖若瑟書院、仁濟醫院董之英紀念中學、中美拿撒勒大學、聖文德大學
成績：
3屆港超聯冠軍
2屆足總盃冠軍

Instagram：@banjai_24

你是個怎樣的學生？
「我會話自己係一個好多嘢講嘅學生，每一年成績表上面都係寫住『活潑好動，上課宜更專心』。」

最愛哪一個科目？
「電腦，因為可以離開班房，又可以打機。」

還沒成為學生運動員時的你，校園生活是怎樣？
「我好似冇試過唔係學生運動員，由小一開始日日放學練田徑。不過每日都好期待返學，因為可以同同學玩。」

你會如何形容當年校內的運動氛圍？
「不論小學、中學都喺一個好鼓勵大家玩運動嘅學校成長，所以運動喺我人生入面係好重要。」

學生運動員的生活是怎樣？
「每日要平衡上堂、做功課，同埋應付唔同校隊、球會、代表隊嘅練習。其實都好辛苦，因為自己玩好多唔同運動，成日放學後都要練習，自己讀書唔叻，所以成日做功課好到夜。但係慶幸自己有堅持，冇放棄任何一方面。」

難忘的校園生活？
「好記得當年仲讀緊聖若瑟書院嘅時候，我成日都係要同時間競賽，每朝搭23號巴士返學，同一大班人落車時跑返學校打卡。如果唔係全速跑，或者咁啱紅燈過唔到馬路就會遲到。」

對於想走上運動員路的學生，可以給他們建議嗎？
「唔好忘記享受，做運動員一定會遇上唔同嘅困難，會有好多個想放棄嘅時候。停一停，回想下點解會鍾意玩自己做緊嘅運動，享受先係需要進步嘅原因」

現在的你想成為怎樣的人？
「我希望自己可以係足球方面更上一層樓，可以一直進步落去。」

原文刊於《Sportsroad Junior》第92期
訂閱請按此

《體路Sportsroad》
屬於香港人的體育新聞平台
Facebook: https://www.facebook.com/Sportsroad/
Instagram: https://www.instagram.com/sportsroad.hk/