周家怡與恬妞鬥戲　流淚眼對流淚眼

藝人周家怡夥拍陳家樂，主演英皇電影《出租家人》。近日電影上映在即，身為女主角的她難免心情緊張，且「預告」表示﹕「好多人以為呢套係笑片，我想講劇情其實好感人，大家千祈唔好錯重點呀，同埋睇完記得反思，真係要珍惜所有關係，因為任何事物始絡都有限期﹗」

令家怡印象最深刻一幕，要算是自己與恬妞互相剖白心事的戲碼﹕「劇情交代恬妞姐患病，我同佢喺堤霸傾偈，氣氛各樣嘢都好傷感，搞到我淚崩，拍完都繼續喺度喊唔停。恬妞姐好好即刻安慰我，攬實我掃背，真係好貼心。」至於與石修及方力申同場，她打趣﹕「佢哋今次真係演兩父子，估唔到坐埋一齊似樣成咁，同親生嘅冇分別，哈哈﹗」

戲中家怡除是演員及教師外，更是一位單親媽媽，她坦言﹕「本來我唔係特別喜歡小朋友，甚至乎有啲驚佢哋，不過經過咗接連數次嘅合作後，我研究出一套道理，只要唔當小演員係小朋友嘅話，係會對佢哋改觀㗎。」

東網網站 : https://on.cc/東網Facebook專頁 : https://www.facebook.com/onccnews/