網絡熱話｜垃圾車身掛滿被遺棄公仔　司機叔叔獲讚「好有愛」

垃圾車一般給人污糟的印象，但是最近有網民在社交平台，分享了一架非常可愛的垃圾車，車身掛了二十多隻大大小小的公仔，原來全部都是司機從垃圾堆中精心挑選，不少網民大讚司機好有愛！

網民指自己偶遇到這架掛滿公仔的垃圾桶，因為覺得可愛，所以忍不住拍照，想不到司機突然落車，問網民覺不覺得車身上的公仔污糟，再分享指它們原來是從垃圾中「執返黎」。司機再透露掛公仔的原因：「垃圾車，啲人見到都走啦！掛啲公仔上去，大家見到咪冇咁驚咯。我都唔係隻隻公仔都要㗎，嗰啲爛曬，勁污糟嘅我都係會抌。如果掛住嘅公仔太污糟，我都會換佢哋落黎。」網民形容司機「隻眼入面閃住對生活嘅愛，成個人流露住簡單嘅快樂」，指對方是「世界上最浪漫的人」。

樓主其後再留言分享，稱司機叔叔的舉動令他有所反思：「本身今日一起身勁唔想上堂勁唔想補習。一諗到而家仲讀緊書就已經咁樣，之後返唔鍾意嘅工咪仲衰。真係覺得我嘅人生已死。但係同阿叔吹完水，突然覺得其實未來都仲有好多選擇，放過自己，睇開啲。」

網友留言讚帖文好暖心，表示「睇完幅圖再睇你嘅文字，有啲眼濕濕 」、「好有畫面，感覺大家都係善良有愛嘅心」、「收留人哋唔要嘅公仔好有愛」、「阿叔好有童心」、「右邊卷住條蛇真係太有生活熱情」。另外，有網民亦曾經目睹過掛公仔的垃圾車，紛紛貼圖分享，畫面好治癒。

畫面令網民回憶起電影《反斗奇兵》的一幕，不知道你又覺得這架公仔垃圾車可愛嗎？歡迎留言分享。

圖片來源：Threads

《好有脆》專門發掘社交媒體有趣帖文，所有內容及相片版權均屬發布人擁有。