《造星VI》TUZER0兼任幕後　做ZPOT藝人管理、影片製作

由ViuTV《全民造星VI》誕生的全新男團 ZPOT日前舉行出道發佈會並火速推出首支MV《ZPOTLIGHT！》。ZPOT由7位平均年齡不足21歲的成員組成，包括ALVIN（黎子琛）、BOSCO（關曉隆）、COW（周德誠）、DAVE（黃日禧）、GORDON（張肇維）、HANNZ（陳霆羲）及MARCUS（林焯彥）。有網民在MV的credit發現「Tsang Tai Shan」的名字，出帖文問「AM Team 有tuzero？？」（TUZER0中文名字為曾棣山），有人留言：「如果係Tuzero都合理，佢做marketing，又識剪片創作，同造星6兄弟一齊work，雙贏」、「唔好啦！想00做幕前」……而本尊昨晚（1月29日）在社交平台發文證實此事。

TUZER0在社交平發長文，寫道：「本身諗住低調行事，但係見呢幾日DM太多，所以喺度一次過同大家update吓近況。冇錯，以後我除咗係Rapper / Producer之外，亦都會係ZPOT嘅AM、YouTube頻道影片製作人／管理人。正如我喺節目入面講過，自從開始造星之後我已經游咗出呢片大海，永遠都冇得再返去以前個井。而我依家擁有嘅嘢正正就係呢一片大海入面其中一部份，同時亦都因為呢個機會衍生到好多好珍貴嘅事。能夠留喺同一個領域發揮所長，自己嘅後製功力被賞識，除咗感恩之外都只有感恩。」

TUZER0透露會繼續拓展更多幕前亮相機會：「另外各位唔使擔心，我絕對唔會放棄音樂。所有我而家做緊嘅嘢大家之後都會如常見到！我呢邊已經準備咗新嘅單曲同大家分享。另外之後都會繼續拓展更多幕前嘅亮相機會！同埋我都想透過自己嘅身份話俾大家聽，所有嘢其實都可以相線並行，唔會剩係得一個選擇。做rapper可以做到幕後，做幕後亦都可以做到rapper。只要你想嘅話，所有嘢都可以實現到。最後亦都想大家多多支持 @zpot.weare 我非常之愛佢哋七個，希望可以用到自己嘅專業同埋角度，去令大家都可以同樣去愛佢哋。暫時係咁先，各位以後繼續多多指教。」

TUZER0的帖文引來不少圈中好友留言，《全民造星VI》冠軍Teller寫道：「FIRE」、ZPOT成員Ian Hannz：「Love you 兩個零RESPECTTT」、Gordon：「00 is da best」、Dave留了幾個火的emoji；導師Gin Lee：「#十八般武藝」、業Sir：「Good job」……