關嘉敏林俊其演情侶惹不滿　正印羅毓儀終極開腔

藝人羅毓儀（Yuki）和男友林俊其（Kris）在戀綜節目《女神配對計劃》中成為情侶，亦是網民「最愛CP」之一，但有份參加《女》的關嘉敏（Carman）卻在新劇《非常檢控觀》中跟Kris飾演情侶，令不少《女》節目粉絲不滿，在社交平台發起「聲討」：「林俊其竟然同關嘉敏演情侶？你哋兩個點對得住Yuki啊！」而前晚Yuki拍片回應粉絲，片中交代她和Kris是「現實中情侶」，當她看見男友跟Carman這對「劇中情侶」在她面前甜蜜走過時，即時眼火爆到磨拳擦掌，再飛撲衝向兩人方向，而下一個鏡頭就見Kris「爆晒缸」倒在地上。

Yuki接受訪問時表示：「首先好開心，大家咁支持《非常檢控觀》，同埋都仲記得《女神配對計劃》！觀眾睇《非》劇睇得咁入肉，即係代表佢哋兩個都演得好好，好有CP感，我都覺得喺劇入邊佢哋都幾襯嘅，而且監製親口認證話揀佢哋兩個係因為身高差唔多，可以免去咗佢哋同框嘅困難，但事實上，我相信觀眾朋友都係鍾意我同Kris嘅最萌身高差多啲。」她續說望觀眾不會記恨男友和Carman，兩位都是專業演員，亦需要投入角色中及演好每個角色的關係。」又謂相信看過她的「復仇」片，可以令觀眾「落咗啖氣」，不過強調她所製作的短片，並非劇集的劇透，純粹二次創作，幫助劇集宣傳，又說：「我哋做演員每個機會都得來不易，所以有機會嘅時候，都會想大大力宣傳。」

至於淪為「渣男」的Kris受訪時表示：「呢條搞笑片，係想令大家開心同埋宣傳劇集，大家睇到後，就知道我好慘，需要尋求包紮專員嘅協助。」還有被蒙上「小三」不白之冤的Carman就話不擔心被鬧，因早已和Yuki「攤出嚟講」，況且重點是《非》劇是2023年拍攝，比《女》更早開拍，所以2年多前，Yuki和Kris尚未是情侶，而好友Yuki亦明白事理，沒有因劇情而呷醋。問到可曾橫刀奪愛？她坦言：「讀書時，曾同朋友鍾意咗同一個男仔，但得知朋友鍾意個男仔時，我就退出，佢哋最終拍咗拖，我都有送祝福。」

東網網站 : https://on.cc/東網Facebook專頁 : https://www.facebook.com/onccnews/