Gin Lee教出3個節目冠軍　獲封「最強導師」

歌后李幸倪（Gin Lee）今年首度擔任《全民造星VI》導師，其出心出力的表現更獲得不少網民大讚，皆因入圍決賽的10強參賽者中，有8位都是來自Gin Lee的組別，而最終以復活者姿態奪冠的王偉俊（Teller）亦是其學員。事實上，Gin Lee之前曾兩度擔任《聲夢傳奇》導師，當中炎明熹和任暟晴都是她的學員，兩人最後更成功奪冠，因此不少人都稱Gin Lee為「最強導師」！

對於被指5年捧出3個歌唱節目的冠軍，Gin Lee則笑説：「謝謝你的鼓勵。每日時間得咁多，瞓少啲、捨棄一些工作，想做都可以做到，但係盡量都唔好再做，都有啲攰」。她又謙虛表示「最強導師」稱號不敢當，認為節目成功是台前幕後一起努力付出的成果。至於有網民笑稱若Gin Lee再做多一屆導師，過多幾年在樂壇可謂是兒孫滿堂，個個參賽者都被她教過，Gin Lee即搞笑回覆：「我驚我冇命」。

節目完結後，Gin Lee亦在社交網分享多張幕後花絮照，並說：「做導師，係一項十級難嘅任務。唔係有技能就自然做到好導師。因為做導師要用心、用時間、用體力，仲要用策略、用腦，唔係『應付』比賽，而係同學生一齊『玩』比賽。」又指做導師要無時無刻思考、調整、應變，要好有耐心去接受很多無法控制的事情發生，尤其《造星》是複雜、急速、多元的舞台，自己的職責是引導學員，讓他們在不同情景下能發揮得最好。

此外，Gin Lee今日接受電台訪問，下月7、8日將於紅館舉行個唱的她，坦言之後會休息，她表示上年整年都未停過，又坦言渴望有機會開巡迴演唱，她謂:「我想輕鬆一下，因為我係一個好難放鬆嘅人，但我輕鬆得嚟都會繼續人努力做嘢，我都會繼續出歌嘅，之後都想諗清楚之後啲歌嘅方向。」

東網網站 : https://on.cc/東網Facebook專頁 : https://www.facebook.com/onccnews/