60歲陳啟泰現身拍片　發福滿臉白鬚：樂悠卡都攞咗

.

說到陳啟泰的代表作，當然是當年擔任《百萬富翁》主持，更曾因此被稱為亞視一哥。近年少有演出的他，近日就現身香港演藝人協會YouTube頻道，在「傳承‧前輩」節目受訪。已經60歲的他發福了一點，而且滿臉白鬚，不少網民都留意指很久不見，原來陳啟泰已蒼老不少。

陳啟泰的聲音亦變得有點沙啞，但他提到原來現在還有簽唱片公司。曾在香港出過唱片的他，在內地推出過三、四張唱片，現在內地仍有簽唱片公司推出一些翻唱歌曲：「即係類似嗰啲Hi-Fi碟，好多人唔知嘅東西，其實我咁多年，尤其《百萬富翁》多咗機會之後，都有涉足音樂方面。」
曾加入無綫(TVB)主持《香港早晨》、《K100》及《歡樂今宵》，亦有演出過不少劇集如《再見亦是老婆》中的「馬子儒醫生」。之後轉到亞視，演出經典劇集《我和殭屍有個約會》之餘，主持遊戲節目《百萬富翁》更令人氣爆升。但提到「亞視一哥」，陳啟泰就指應該是何守信：「我一向覺得係何守信，何B師傅，因為佢教咗我好多嘢，我做《百萬富翁》之前有請教佢點做呢個節目，點去揣摩呢個角色。我覺得主持都係一個角色嚟，問B哥點樣喺現場會唔驚，佢話︰『我做咗30幾年，我依家出去做主持節目，選亞姐、做台慶都驚。』原來都係演一個角色，睇你演得好唔好，睇你可唔可以演俾觀眾睇，你唔驚，好氣定神閒，就係咁。」而現在則仍有為YouTube主持試車節目：「依家唔係我要去搵一個電視台，因為我已經唔係十八廿二，樂悠卡都攞咗嘞啱啱，都好開心，原來慳好多錢。」