熱刺中堅雲迪芬：依家去講爭英超冠軍仲係言之尚早，有時覺得對手拎紅牌比賽會變得容易，但係利物浦真係一隊出色球隊

熱刺新加盟中堅雲迪芬接受訪問就話「依家去講爭英超冠軍仲係言之尚早，但我希望球隊繼續努力，睇吓最後將以點樣結果完成今個球季。我哋唔驚任何球隊，並且繼續以自己方式比賽，希望之後會有更多進步🙂。」

呢位荷蘭🇳🇱中堅又話「球隊更衣室氣氛真係好好，我覺得球隊心態唔錯，我哋會不斷推動自己向前行，有時候你會覺得當對手拎咗紅牌之後，嗰一場比賽就會變得更容易，但係大家都睇到利物浦真係一隊出色球隊😊。」

雲迪芬最後就話「當利物浦係球場上得返10、9位球員嗰陣，佢哋嘅情況變得更加困難，而我哋一直努力去到最後一刻，最後搵到奠定勝局嘅入波😎。」