何太又開直播表示想生仔　指不用繼承450萬：嗰少少錢

因為早前上《東張西望》而爆紅的何伯及何太，之後還在網上開直播，繼續話題性十足。何伯繼續狂數仔女外，更指孫仔和新抱都無視他。而年過40歲的何太在直播中，更提到想和何伯生仔。

何太提到早已想和何伯生仔：「聽講話上咗40歲之後呢，嗰啲產卵會下降好多好多㗎！所以唔敢期望太過高，即係順其自然。」有網民指生仔可繼承何伯被提走的450萬，何太就回應：「唔需要啦，邊有話特登生個仔出嚟繼承450萬㗎？我哋根本都唔洗繼承呢450萬啦，嗰少少錢都未夠我老公自己生活，自己調理身體啦。你知唔知一個人病咗係需要好多好多錢嚟醫㗎，三五百萬根本上唔夠醫病囉，我都唔知你哋點解認識咁少嘅！」