何雁詩最愛獨遊　鄭俊弘擔心急教功夫傍身

做未婚夫嘅點會唔擔心呢？

鄭俊弘教兩度散手畀何雁詩先至係最實際。

歌手何雁詩由細到大好享受一個人去旅遊，從小父母就讓她獨自去飛，她說：「我阿爸阿媽當年搵師傅幫我改名時，就因為我條命係驛馬星動，成日會飛來飛去，所以我個名都有個雁字，入行都唔使再改。」早前她就自己一個人飛去澳洲玩，她笑說：「我仲為咗慳番啲酒店錢，住喺架車度，我揸住架麵包車，去到營地有叉電位，喺車後面鋪張薄薄嘅被褥就瞓得，其實幾好玩㗎。」未婚夫鄭俊弘放心你？她笑說：「佢喺呢方面畀好多自由我，但我喺佢眼神見到好擔心，不過佢唔會講，佢識打功夫，所以佢會教我幾招傍身，好似點樣鎖頸，佢教我啲招唔係好用力嘅。」