亞洲神童返嚟喇！張如城獻聲賀新禧

「亞洲神童」張如城憑住獨得唱腔，充滿中國風式嘅MV，喺樂壇令人留下難以忘記嘅地位。失蹤多時嘅佢，一直令歌迷深深掛住佢，佢趁住農曆新年前夕，返嚟同大家「團圓」！

因疫情關係，佢發起「張如城慈善音樂會」，獻唱《路上》同《中國巨龍》兩首歌咁大把，冇特別嘉賓，只有佢1個！佢未能邀請歌迷出席音樂會，只能拍片放上網，但佢絕對冇Hea做！喺充滿中國特式嘅荔枝角公園取景，着上紅色賀年衫，非常應節，台風同唱腔仍然冇變返，當中不時加插內地風景，每首歌都係配以十字步舞蹈，誠意十足！

唔少網友笑言「亞洲神童張如城終於返嚟啦！」，笑言咁多年佢啲普通話冇進步過，不過網友話唔介意，更笑言再睇到佢嘅演出，真係震撼人心！

東網網站 : https://on.cc/

東網Facebook專頁 : https://www.facebook.com/onccnews/