C奶慈妹化身「性感唐僧」色誘徒弟　渾圓美胸呼之欲出

台灣啦啦隊女神慈妹（彭翊慈）雖然身形嬌小，但上圍相當有睇頭，正宗嘅「廟細燈籠大」，再加上成日都會喺社交網賣大包派福利，吸引大批宅男粉絲追隨。近日佢同台灣男星KID（林柏昇）合拍手遊廣告，片中飾演師傅嘅慈妹帶住徒弟林柏昇去「取金」。

慈妹日前釋出拍攝短片，佢穿上改良過嘅僧服化身性感唐僧，以無肩帶Tube Dress上陣，披上袈裟露出半邊香肩，而下身係短裙搭配長靴，盡顯一雙修長美腿。之後佢又換上紅色低胸晚裝，飽滿誘人嘅半球盡露，更谷出深長事業線，加上開衩設計上到底褲邊，大騷一雙修長美腿。影片一出，火辣嘅造型即時引嚟唔少網友朝聖大讚：「好可愛啊啊啊，看100次」、「師父的可愛根本不用裝」。

東網網站 : https://on.cc/東網Facebook專頁 : https://www.facebook.com/onccnews/