獨立股評人胡孟青邊整頭邊主持節目：今日唔剪要等兩個禮拜呀大佬

理髮店及髮型屋（下統稱理髮店）明天起須關閉至本月24日「疫苗通行證」實施前，不少市民趁今天（9日）趕往髮型屋剪髮，不少理髮店門外大排長龍，就連獨立股評人胡孟青（青姐）亦不例外，今午她跟拍檔冼潤棠以視像形式主持《4點痴線財經》。

青姐身處髮型屋開Live，她邊set頭邊主持節目，青姐還要補染髮色：「今日唔剪要等兩個禮拜呀大佬，我啲頭髮長得太快，如果頭髮唔多點做到代言人啫？係咪？」青姐續說囝囝和老公昨天已趕得及剪髮，並表示今天很多髮型屋都人山人海：「我嗰個係星級髮型師，嚟緊14天若然有啲星要剪髮，都係要上門剪。」

（即時娛樂）