Stanley型爆現身籃球活動 解釋用語 跟粉絲大合照派福利

MIRROR成員邱士縉（Stanley，大表哥）今天（12日）出席太古城中心舉行的《Live the Game!》，為「轉身射個三分波」總決賽擔任嘉賓及頒獎，Stanley笑言自己是多年NBA粉絲，出席此活動表示興奮！

球技了得的Stanley活動前先到「NBA技術挑戰競技場」小試牛刀，短短1分鐘快速通過傳球、射球、運球四大關卡；甫踏入室內「NBA小型籃球場」，立即展現射籃功力和花式上籃，熱身過後狀態大勇，運動型男姿態冧爆粉絲！Stanley說：「我頭先打聽咗初賽參加者實力，定點射波嚟講，都好似好唔錯，過關啦！細個教練成日同我哋講，射波有實際之餘，一定要有姿勢，唔係為咗型，真係調整到準繩度，決賽嗰陣我都特別金睛火眼，留意10位入圍Finals嘅朋友仔手勢！」

賽事期間氣氛熱烈，無論10強參賽者入球或擦邊時，頻頻有歡呼吶喊聲。Stanley不時為「籃球麻瓜」實時解釋行內術語，被主持大讚最佳拍檔，Stanley笑稱：「對於喜愛嘅運動一定係熱心推廣，趁咁好嘅機會介紹玩法、規則，大家睇得投入啲，可以樂在其中。」

Stanley作為潮流達人，不會錯過場內拍照打卡位，身材高䠷的他手持籃球擺出型格甫士，全場粉絲尖叫，他又主動跟粉絲傾偈及大合照，大派福利。

（即時娛樂）