《愛．回家》葉蒨文公開擇偶條件　預告即將脫單

藝人葉蒨文（Sophie）下午接受新城廣播節目訪問，暢談拍攝無綫戀綜節目《女神配對計劃》的拍攝及擇偶條件，期間不時展現冧爆笑容，直認相信拍攝完成後自己會成功脫單！

Sophie透露目前已完成約6成的拍攝，並同時對3位男生進行了解，更形容今次「人生不枉此行」，拍攝時更觸碰到心靈深處，令她哭了出來：「（配對）有醫生、律師同港隊運動員㗎。雖然製作組唔支持我哋私下約會，但我唔想停喺度，大家都有交換聯絡，或者喺社交平台傾偈，所以我好正能量，相信節目完結後可以搵到另一半。」

Sophie又強調自己喜歡眼細細及有個性的男生：「好似韓國男神Rain咁就正。（咁星二代參賽者姜卓文咪啱晒妳囉！）又未拍到我同佢嘅部分喎，其實我哋一早已經認識，以前試過同佢一齊玩劇本殺，只係唔係太熟，如果係需要啲時間了解吓囉。」

她又透露與節目內幾位好姐妹「口味不一」，例如李芷晴需要安全感，而羅毓儀比較浪漫，故相信應該不會起「衝突」，她又大讚其中關嘉敏只是外表有女漢子feel，實質非常溫柔。當問到如果的相中同一男生的話，會否大方「讓愛」，她坦言；「咁男方都會選擇嘛，如果佢哋看對眼，我唔會唔開心，反而會大方祝福佢哋添。（如果個男仔想一腳踏兩船呢？）咁我梗係會提醒埋姐妹唔好揀佢啦！」

她又透露前男友較自己年長14歲，但對方充滿童心而彼此相處亦很開心，可惜疫情時男友工作出現問題影響到情緒：「我都盡力陪佢走咗一段路，始終冇緣分繼續行落！依家我差不多單身咗1年嘞，覺得都可以再試（拍拖）嘞！」

東網網站 : https://on.cc/東網Facebook專頁 : https://www.facebook.com/onccnews/