公司逼我打籃球｜姜濤籃球明星賽得分最⾼獲MVP：不可否認有運氣啦

ViuTV籃球節目《公司逼我打籃球》現正播出，上集提到「⽣啤盃籃球明星賽」最後兩隊以46比46打成平⼿，今晚（1⽇）播出的第七集，帶觀眾進入加時賽重溫比賽精華，藍隊狀態⼤勇，MIRROR兩位隊員姜濤及Stanley邱⼠縉，以及周志⽂紛紛入球，最後藍隊以56比54兩分之差奪得勝利，⽽全場最⾼得分的姜濤更榮獲MVP，以22分獲得「⽣啤盃全明星對抗賽」最有價值球員。

贏波的藍隊⼠氣⾼昂，姜濤在賽後討論時分享：「⽤咩策略追分？咪⼀球⼀球咁追。」ERROR兩位成員亦有分享感受，肥仔（梁業）⼤讚姜濤：「發覺好似佢亂掉都入！」姜濤笑回：「不可否認有運氣啦！」至於193郭嘉駿就感嘆：「你打每⼀場都好似最後⼀場咁，真係唔知㗎喎，你可能無啦啦傷咗，無啦啦退休。今⽇我都係幻想係最後⼀場嚟㗎，點都搏盡啦⼤佬！」

輸波的⽩隊百感交集，覺得⾃⼰發揮未夠好的吳林峰：「我覺得要say sorry！」眾⼈紛紛說不，Mandy譚旻萱指：「要正向地去諗，你嗰份嬲同埋唔⽢⼼，係要帶落你之後。」

今集節⽬組亦邀請到曾經榮獲3屆NBA總冠軍的前職業籃球運動員Bruce Bowen和「愛晴當入樽」的球員切磋，事後肥仔獲Bruce Bowen簽名，更伸出肚⼦示意簽名位置，場⾯風趣。

除此之外，今集亦講述「愛晴當入樽」⼀眾球員入營訓練，為增強團隊合作，Coach Fui安排成員⼀起製作⽵筏出海，最近愛講笑話的陳安立（Brian）形容為⼀齊「結紮」－⽤繩「結」去「扎」⽵筏，球員們反應冷淡，場⾯搞笑。

入⿊後，⼀班球員齊齊BBQ圍爐取暖，ROVER成員陳鎮亨（亨仔）更盡吐少男⼼事：「啲女仔讚我⼀兩句，咁我就以為⼈地鐘意我。」旁⽩君問是否指⾃⼰容易get錯對⽅signal，亨仔回答：「佢求其講句嘢都好，我都以為佢讚我。」另一ROVER成員王希晉笑⾔有時有異性望亨仔⼀兩眼，亨仔都會同隊友分享，微微散發花樣年華的可愛之處。