I乳大胃王曾靠15碗滷肉飯一戰成名　今再破新紀錄

台灣網紅張語昕，有着甜美五官及前凸後翹身材嘅佢，身高僅有1米5，但I Cup傲人上圍及渾圓美臀，認真廟細燈籠大。雖然張語昕憑火辣身材圈粉無數，但真正令佢打開知名度嘅竟然係大胃王，原來早喺2014年佢就有以半小時內食15碗滷肉飯嘅紀錄創舉，甚至因此代表台灣出征世界大胃王比賽，認真巴閉。

而日前，時隔11年再度挑戰食滷肉飯嘅佢，亦不禁有感而發透露，滷肉飯對佢而言唔止係家鄉味，更係令佢企上國際舞台打開知名度嘅「榮譽料理」，並強調再次挑戰滷肉飯令佢不敢怠慢：「那年，我是帶著信念與胃容量征戰世界の女孩；十年後，我還站在這裏，還能吃、還能拚」最後張語昕亦順利打破個人紀錄，創下17碗佳績。

東網網站 : https://on.cc/東網Facebook專頁 : https://www.facebook.com/onccnews/