巴西傳奇右閘卡富：去英超嘅巴西球員愈多，巴西國家隊贏到世界盃嘅機會就會越小

英超依家有唔少巴西🇧🇷球員，就好似艾利臣、艾達臣、加比爾、古馬雷斯，杜格拉斯路易斯、馬天尼利、加比爾捷西斯、柏基達同李察利臣沙利鬆等🙂

巴西傳奇右閘卡富曾經為巴西贏到2002年世界盃冠軍，呢次亦都係巴西對上一次捧起大力神盃。呢位傳奇右閘覺得英格蘭足球損害踢緊英超嘅巴西球星心態😶

卡富就話「我真係幾擔心，隨住越嚟越多巴西球員加盟英超，巴西國家隊贏到世界盃嘅機會就會越小。大家諗下佢哋每個星期都被傳媒洗腦，覺得自己係世界上最好，但其實未去到最好。我更加鍾意西甲，因為佢哋有種追求決賽同埋贏波嘅心態😎。」