拜仁教練甘賓尼：卡爾只係17歲，而且每日都努力訓練，佢嘅體能數據、訓練態度同埋比賽表現都好出色

💬拜仁教練出席賽前記者會被問到卡爾之前關於皇馬嘅爭議言論，甘賓尼就話「我選擇以全面角度去睇呢件事，卡爾只係17歲，而且每日都努力訓練，佢嘅體能數據、訓練態度同埋比賽表現都好出色。卡爾係溝通上可能出現小犯錯，但係佢都即刻道歉。如果卡爾訓練表現唔好，呢個就係我嘅問題。如果佢無全力以赴，咁都係我嘅問題，但係卡爾無論訓練定係比賽都出色，所以我專登唔再提起呢件事😉。」

🚨根據德國天空體育消息，卡爾下個月就會18歲，到時卡爾嘅合約將會自動轉換成去到2029年職業合約。拜仁計劃同卡爾續約去到2031年夏天，並且提供500萬歐羅至800萬歐羅稅前年薪，從而確保卡爾可以長時間留係球隊，同時亦都以唔錯人工肯定佢嘅出色表現🙂

💥消息指卡爾本人對於簽新合約保持開放態度，而今次續約將會由卡爾經理人波歷克去主導。值得一提嘅係雙方仲未就續約展開具體談判，因為球隊同球員都想將注意力完全集中係嚟緊德甲同埋歐聯比賽😶