《開心大派對》｜黃澤鋒陳麗麗58歲再當爸媽 自爆港台奔波打針艱辛過程

58歲黃澤鋒與同齡太太陳麗麗及大女兒「小黃妃」黃熙恩，日前一同亮相由薛家燕、思敏及范振鋒主持的《開心大派對》節目訪問。今年八月，陳麗麗誕下第二位千金黃熙喬（小貴妃），並於上周舉辦百日宴，夫婦二人在節目中分享高齡之年再度迎來女兒的勇敢決定，陳麗麗更透露在成功懷上第二胎前曾經歷小產，以及透過試管嬰兒（IVF）艱難求子的過程。

第二胎計畫透過「IVF」而來，而這個決定背後，源於一段傷心的過去。陳麗麗透露在這次成功之前，曾經歷過一次小產。「嗰次佢（大女兒）都好開心，本身已經跟我講『我啲同學有細佬，點解我冇』？」正當全家滿懷期待時，產檢卻傳來壞消息，陳麗麗憶述：「當時個胎都不足三個月，係十個星期……BB突然冇咗心跳。」這個打擊讓原本興奮的他們感到非常可惜。

經歷失落後，醫生給予他們希望，陳麗麗轉述醫生的話：「你哋係唔係真係仲想？如果係，你哋諗清楚，我有方法幫你。」為此，他們召開家庭會議，連大女兒也一起商量，陳麗麗表示：「我哋係一家人，唔可以突然多咗一個唔話佢（大女）知，佢會小器，我唔想。」在考慮了金錢、時間、生理及心理等各因素後，他們決定勇敢再試一次，「其實之前冇咗嗰個（BB）都畀人鬧，所以要好好保護呢個（第二胎），太早畀人知就鬧爆，鬧爆呢個仲大壓力，所以用咗一年時間去籌備。」

別以為求子輕鬆，陳麗麗表示「IVF」絕非易事，她稱：「好多人都話我好容易，對唔住，唔係好容易，我都做咗兩次先成功，算係好幸運，有啲人做五次都唔得。」她透露當時需要香港、台灣兩地奔波，但為了不影響照顧大女兒和保密，她經常獨自早機去、夜機返，舟車勞頓。黃澤鋒則在整個過程中給予太太全力支援，他表示在家庭會議中已承諾：「我一定支援老婆，無論係心理、金錢，一定無限量支持，任何情況我都係陪足嘅。」

圖片：新城廣播

重溫節目，請於11月29日下午二時登入知訊台：https://www.metroradio.com.hk/MetroInfo/