張致恒稱有兩份工 因湊仔未能上班：生之前唔夠成熟

張致恒（Steven）與太太區燕雯（雯雯）育有4子，Steven近年沒有一份工作做得長，一家人陷經濟困境多年，至今仍未解決。

Steven日前曾在網上公開要求幫助，他在Ig限時動態上載其電子錢包二維碼，求網民課金解困。他寫道：「我知道呢個唔係一個明智嘅決定，但係我真係已經去到頂唔順嘅地步，過埋呢個月，所有嘢都可以回復正常，所以真係求求大家幫吓手。」

昨晚（3日）Steven再在Ig限時動態留言：「多謝大家關心，其實我已經有兩分工作，不用再介紹我工作，如果我冇錢係因為我唔去做嘢而俾（畀）大家鬧，我冇所謂，但我而（𠵱）家係因為冇人照顧小朋友，所以我出唔到個門口。

事實上一個大人照顧唔到四個咁細嘅小朋友，仲要有一個係需要特別照顧，呢個係我哋生之前唔夠成熟，冇安排好，但係我哋而（𠵱）家已經一步一步改善緊，亦再次喺呢度，多謝真心幫助過我哋嘅人，到我們安頓好，我一定會逐一去還錢俾（畀）你哋，我宜（𠵱）家唔係唔想還錢，而係根本而（𠵱）家長期都係負。多謝真心幫我哋嘅人體諒我哋。」

（即時娛樂）