無緣入LOONG 9！歐陽妙芝二仔再戰新一季《超星團》

無綫選秀真人騷《亞洲超星團》完滿結束，「LOONG 9」正式出道，名模歐陽妙芝二子方玉亨（Atilla）得「梗頸19」，18強止步，無緣晉級。不過自小立志想做表演者的他，未有氣餒，笑言當大會公布舉行第二季時，他隨即相約香港選手區珀豪一齊再參加，十分搞笑。Atilla現年16歲，一直是學校的風頭躉，經常代表學校出外參加跳舞比賽，去年更獲得學校頒發獎學金。雖然今次未能出線，輸了比賽，但贏得友誼，由於他年紀小，獲很多選手哥哥愛錫。

妙芝表示：「佢從小睇K pop大，今次有機會同韓國天王Rain、歌手程瀟、實力選手奧利、郭殿甲和Boyhood成員同台，經驗無價，與Boyhood嘅汪穆清成為好朋友，尹俊嵐又很錫佢經常代為出頭，依家Atilla已經成為Boyhood嘅粉絲，遲啲仲想去日本搵選手智樹學跳舞。」之前一直有很好的經理人聯絡他，不過Atilla暫時要兼顧學業，他希望趁年輕自己打拚，目標去韓國發展。

東網網站 : https://on.cc/東網Facebook專頁 : https://www.facebook.com/onccnews/