Jeremy今日出新曲 魯庭暉公開2018年和花姐對話：我提議㗎咋
MIRROR成員Jeremy(李駿傑)今日22日將會有個人第一首單曲公開，亦是MIRROR隊中第七人有個人單曲。而ViuTV董事兼總經理魯庭暉亦有個IG為其宣傳，而宣傳方法就是公開一段和花姐以及ViuTV製作部副總裁金廣誠的短訊對話，當中提到覺得Jeremy可入團。而Jeremy亦都極速回應：「謝謝你改變了我的人生。」
魯庭暉公開對話圖寫長文：「我係一個非常相信因果嘅人，不過未有呢個智慧去講解，所以以下講嘅純粹吹水。(如果你想理解咩叫因果，我推介睇吓電影大隻佬）。」繼續說電影《大隻佬》「都係大隻佬講嘅，『唯有業隨身』。種咗惡因好有機會Somehow會報返自己身上，就算未報，惡果可以報番響個心，心念一轉，又會有另一個惡因。」最後重點是：「幾年前我睇咗一個節目嘅決賽，結果我send咗一個message。又結果聽日我哋會有一個『新人』出現。做一件事，唱一首歌，講一句說話，都係一個因，同時都係一個果。最後，我要強調兩點，1，冇錯，我叫金生做金爺，而為咗喺電話度容易搵佢，我個phone book 上面寫嘅係Kam Yeah 2 ，嗱嗱嗱，唔好話係我決定晒呀，根據WhatsApp文獻顯示，我提議㗎咋，佢哋自己決定㗎。」而Jeremy則留言：「❤️❤️❤️ 多謝魯生 ❤️❤️❤️謝謝你改變了我的人生，謝謝你給予我這麼多機會，謝謝你，一直都支持著我們mirror❤️❤️❤️」
留言 10