謝霆鋒杭州騷打造進化舞台服咗自己　巨星輪流「登場」

藝人謝霆鋒《Evolution Nic Live進化演唱會》內地巡唱首站近日於杭州奧體中心體育場（綽號「大蓮花」）舉行，近5萬個座位全場爆滿。舞台看似是由香港原裝搬到杭州，但霆鋒卻指「錯晒」：「呢個舞台同香港嘅係兩個舞台，今次為大蓮花重新做咗一個進化舞台，我都服咗自己。」

霆鋒除了「燒錢式完美主義」打造新舞台外，演唱會上還有勁感人環節，當晚播出霆鋒13年來主理的《鋒味》精彩片段，包括張曼玉、楊紫瓊、甄子丹、周杰倫、陳奕迅、吳彥祖、舒淇、蔡依林、Twins等巨星輪流「登場」。

片段播完後霆鋒向螢幕鞠躬致敬：「我每次轉身睇片都差啲忍唔住喊。過去12年，由2013年開始，有咁多厲害嘅朋友陪住我，造就咗呢條片，我諗再過一百年都好難再聚齊咁多人，真係好多謝你哋！」霆鋒續說：「我用咗13年製作呢個作品，一睇到個畫面就想喊！頭5年個個話我黐咗線『做乜走去煮飯？做乜拍啲咁嘅嘢？做乜去旅遊？』依家就畀你睇吓我做啲乜嘢。」霆鋒指每次講起也會毛管戙，網民則洗版讚霆鋒能夠請到那麼多巨星，真是圈中的人緣王。

東網網站 : https://on.cc/東網Facebook專頁 : https://www.facebook.com/onccnews/