林作借梨泰院悲劇宣傳保險 網民鬧爆抽水唔睇場合

林作轉戰保險界後，每逢發生甚麼意外悲劇或有人離世，都要抽水向人宣傳買保險。昨晚韓國首爾梨泰院發生人踩人悲劇，今日林作就在社交網提及保險的重要，被網民鬧爆他沒有人性，抽水不理場合。

韓國首爾梨泰院昨晚發生人踩人悲劇，死傷數字不斷上升，全球密切關注事件發展的同時，不少人都表示哀悼，唯獨林作先指自己是繼周星馳後第二人關注此事，卻沒有哀悼之意，只是向大家宣傳保險：「希望每位死者都有買到人壽保險。死亡的人全部是英年早逝，很多是家人目前或黎緊嘅支柱。一下子走咗，留低啲嘢，至少比死咗嘅動物黎得值錢 - 死咗嘅牛至少可以攞牛肉黎賣，死咗嘅人，好似呢啲後生仔，咩都冇留低。工作中的你，會是或者已經是家人經濟支柱的你，人壽，必不可少。」

林作文章一出，不少網民留言鬧爆：「有冇人性架？」、「抽水都睇場合啦！」等等負評，林作繼續炒熱話題，回應網民抽水不用看場合：「錯。抽水，從來不用。」網民見狀更加憤怒，他亦有分享「博畀人鬧」的新聞，解釋自己不是在銷售，而是講道理。

View this post on Instagram

A post shared by Jolam 林作 (@jolamchok)