劉鑾雄笑《愛回家》演員膠樣　四大嫌疑人樊亦敏自辯純天然

劉鑾雄日前就遺囑風波召開記者會，卻因為一段關於《愛．回家之開心速遞》的發言意外引發網民熱議。劉鑾雄過去曾透露自己是《愛．回家》的觀眾，今次記者會中再被問到最近有沒有睇劇，他亦大方回應指有時會睇，之後更主動開話題，講到覺得劇中有演員「硬膠個樣」，引發網民鬥估他口中人選。

劉鑾雄在記者會中稱提到《愛．回家》，見到有個演員表情僵硬，被問到男定女，他則稱：「你哋自己去睇，男好少整到咁硬膠，一定係女啦，唔識郁㗎啲肌肉，郁起上來硬磞磞。」他之後又指對方只係為搵食，所以堅持不願公開該名女演員的名字，不過仍無阻網民熱議，有網民提出劇組四大嫌疑人，分別是古佩玲、滕麗名、莊思明及樊亦敏。有傳媒找到劇中飾演「三太」的樊亦敏回應，她則幽默表示一定不是自己，因為她笑起來非常自然，自證是純天然。