洪天明周家蔚夫妻同心玩遊戲顯默契 湯盈盈獲封「烏龜MVP」

無綫特備綜藝節目《大師兄Welcome Summer大激戰》，逢周日晚八點翡翠台播映。周日（6日）播出一集，出戰的包括黎諾懿率領的「主持隊」，及洪天明領軍的「獎門人好友隊」，「主持隊」成員包括黎諾懿、劉穎鏇（Tiffany）、冼靖峰（Archie）、關楓馨、何泳芍、曾展望（GM）；「獎門人好友隊」成員包括：洪天明、周家蔚、湯盈盈、周家怡、衛志豪、葉泓聲。

當中最搶鏡的，是「夫妻檔」洪天明和周家蔚，2人拍住上玩遊戲、默契十足！先說「水中大電視」環節中，2人同心協力做出「心口碎大石」、「打尿震」、「槍戰」等動作，洪天明趁其他人專心玩遊戲時，偷偷孭起周家蔚，恩愛爆燈。於「水上障礙大賽」，周家蔚整濕衣衫運冰水時，由於不夠力未能扭出水，洪天明見狀即「護妻」：「我可唔可以幫佢？」說畢即熟手幫周家蔚脫掉濕衫，還笑言「呢個我拿手」，盡顯體貼及搞笑一面。

近日話題人物曾展望GM，與天明大鬥划橡皮艇！雖然GM自誇「我師承李麗珊」，但面對洪天明以「產婦姿勢」奇招划艇，可謂勢均力敵！

節目另一個亮點落在「黑馬」湯盈盈身上，大師兄錢嘉樂踢爆老婆為上節目相當上心：「佢知道可以入嚟我哋度，即刻做咗3日Yoga！」皇天不負有心人，盈盈成功在新遊戲「大龜大龜跳」中，憑「手腳猜枚」為「獎門人好友」贏得漂亮一仗，以一人之力連續KO「主持隊」6名隊員，獲錢嘉樂封為「烏龜MVP」。

大師兄十分著緊盈盈，眼見盈盈玩遊戲意外跌低，錢嘉樂即「護妻狂魔」上身大叫：「唔准笑！唔准笑！」又在其他環節狂給貼士兼向盈盈「打眼色」，認真偏心！

（即時娛樂）