《晴朗》助理蔓兒被炒 強調跟盧覓雪無關 分享飯敘照擊破傳聞

在商台工作7年任《在晴朗的一天出發》助理的蔓兒，在6月27日突然被炒，自爆加入失業大軍，事後她貼出多張與商台DJ包括黃正宜﹑Oscar和梁文禮等合照，有人揣測蔓兒被炒，跟盧覓雪質疑姜濤智商有問題一事有關。

昨晚（1日）蔓兒開Ig Live開腔回應，她多次強調被炒一事與盧覓雪無關，今天（2日）還曬出和《晴朗》監製、盧覓雪和阮子健食飯的相片，她寫道：「無左（咗）蔓兒太陽照常升起，晴朗照常出發！話哂（晒）湊左你哋咁多年，幾個大個仔大個女，都係時候要獨立㗎啦！蔓兒而家終於可以un un腳安享退休生活。

話説今日好潮嘅盧覓雪請食潮嘢，跟住自助餐KOL張部長就話下次請食buffet！ 阮子健未諗之後請食咩，不過送咗盒「前男友超後悔吸睛面膜」俾我，寓意深長，果然係文人。」

（即時娛樂）