取消年宵花市受打擊　Tyrese@天堂鳥望政府派錢

組合BOP天堂鳥成員Tyrese的家人從事園藝生意，去年他開始與家人由元朗花場衝出年宵擺檔賣年花，趁農曆新年前大賺一筆，但今年受疫情影響，政府日前宣布取消下月的農曆年宵花市，生意大受打擊。

Tyrese接受東網訪問時說：「暫時未睇到實質狀況，但始終少咗個咁大嘅傳統市場去銷售植物，生意一定受影響，我估會跌2至3成生意額，依家只可以透過網上做宣傳，或者靠新界個門市招攬生意。」又指雖可在網上平台吸取訂單幫補，不過運輸成本相對增加，營利必定大減。

對於政府將傳統年宵市場關閉，他說：「對落咗訂金嘅檔主真係畀佢殺個措手不及，因為我哋好難搵到個啱嘅地方賣植物，真係要派錢支援吓我哋，要退番攤位舖租之餘，每個檔主發放最少有5位數金額補貼，以助業界減輕壓力。」

東網網站 : https://on.cc/

東網Facebook專頁 : https://www.facebook.com/onccnews/