秦沛之子︱姜文杰自責嗌錯姜麗文日本返港搞音樂

藝人姜文杰（Benji）以嘉賓身份亮下周一（25日）播放的ViuTV節目《晚吹-有酒今晚吹》訪問，他與主持Syrah和Shiraz摸住酒杯底傾心事。Benji當年曾與妹妹姜麗文（Lesley）組成組合「Benji and Lesley」，他坦言曾有一段時間對妹妹感到愧疚及自責：「佢本身已經係日本NHK主持，我拉佢返嚟搞獨立音樂，但又唔算真係有好大成就。所以嗰段時間不停怪責自己同好抑鬱。」提及身為演員的Lesley最近成功拿下獎項，Benji指自己當時喊到「豬頭炳」，終於感到帶妹妹回港發展的決定沒有錯。

對於「秦沛之子」星二代的身份，Benji笑言：「如果我夠紅嘅話，其實呢啲嘢係唔會發生。呢個係我哋星二代畀其他藝人都更需要認命嘅一樣嘢。」他表示初入行時曾一度為此不開心，但現在卻有不同看法：「既然依家啲人都仲講緊我係秦沛個仔嘅話，即係佢到依家都仲好出名。呢樣係好開心嘅事嚟，所以我都好自豪話畀人聽佢係我爸爸。」