又有乘客帶電動單車坐港鐵　網民：鋰電池着火就大鑊

又有乘客違反《港鐵附例》，攜帶未拆前車輪的疑似電動單車進入港鐵範圍。網上流傳照片，一名中年女士攜帶一輛電動單車進入車廂，有乘客不滿拍下放上社交平台，惹來網民批評，「鋰電池喺列車着火就大大鑊」、「撳掣啦，話有電動車喺車廂內，有火警嘅風險，要求處理」。

港鐵回覆傳媒查詢時表示，就事件未翻查到相關投訴紀錄，港鐵藉此機會再次提醒乘客，根據《港鐵附例》，任何人不得將單車、電單車或其他類似的運輸工具進入港鐵範圍，有關行為有可能影響鐵路安全。現時，乘客如欲攜帶單車乘搭港鐵，必須摺合單車或拆除單車前車輪，以確保其符合運載行李的規定。

有網民早前於facebook群組「車cam L（香港群組）」發文並上載照片，見到有一名戴上「黑超」的中年女士攜帶未拆車輛的疑似電動單車進入港鐵車廂，網民留言批評，「乜依家啲電動單車合法化左咩？公然上港鐵之前應該都係公然喺條街到行㗎」、「唔係要拆1個轆㗎咩」、「點解要明知故犯呢香港人」、「咁大部電動車可以推入港鐵？遲啲揸埋部電單車入去啦笨。」

有網民指電動單車危險，認為港鐵應加重罰則，「鋰電池係列車著火就大大鑊，港鐵職員近期唔知點做野，呢單係已經係近期第二單電動單車搭港鐵」、「如果着火就X街」、「真係唔明！係咪要爆1次電池，有傷亡先執法？」、「港鐵捉到真係要告唔係警告，否則只會助長呢啲人繼續唔守規矩，終有1日搞出事」。

▼▼屯馬線男子騎電動單車堵車門　港鐵報警▼▼

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)