譚嘉儀生活富泰傳「被照顧」　終極開腔回應

歌手譚嘉儀今日（28號）以大使身份出席慈善活動時，大受粉絲歡迎，不停被集郵，對於自離開無綫後，生活變得更富貴，經常周遊列國，又曾和朱敏瀚及周志康上私人遊艇拍片惹來「被照顧」的揣測。

她表示純屬一場美麗的誤會，她說：「我冇富貴過，嗰度係遊艇嘅私人餐廳， 係好多景，我拍咗成10次，係餐廳全程贊助我，我都想有遊艇，但嗰度唔係我嘅，外界誤會晒，我都抵餐廳老闆唔抵，（怕被人誤會被照顧?）我梗係驚啦，絕對冇呢啲嘢，所以要澄清吓。」

問到可想有男士照顧？她坦言：「我盡快啦，但暫時未有，不過就算拍拖，都唔需要全程被照顧嘅，都要自己照顧自己先，所以呢一刻要努力經營自己嘅頻道，同埋努力去搵Job嘅，希望遲啲推出新歌，有更多工作。」她稱入行多年，有人曾透過網上邀她出席飯局，但她一律不作理會，連飯局價亦沒興趣知，並肯定謂：「我絕對唔會去呢啲地方，唔關我自己有冇錢，係尊嚴問題。」

她又開心謂在網上推出的搞笑片高收視，跟周志康的合拍片，在社交平台的Reels達50萬Views數，而最高紀錄是她推啞鈴的搞笑片高達過100萬Views，所以她打算多拍笑片，她謂：「可能外界唔知我識搞笑啦，所以反應咁好，（唱歌片有冇咁高Views數？）計社交平台就冇，不過唱歌片唔同，係計Likes數嘅。」

東網網站 : https://on.cc/東網Facebook專頁 : https://www.facebook.com/onccnews/