被鬧爆後不再超前部署　打工仔冒雨上班　湧天文台洗版訴不滿

天文台直至9時10分才發出黑色暴雨警告信號，令打工仔不滿。(陳德賢攝)

當局月頭因預估熱帶氣旋「丹娜絲」殘餘而決定「超前停課」，結果當日無風無雨變成「超前冇雨」。港府及天文台均被網民鬧爆，質疑決定太輕率。今早(29日)再有暴雨，港島及九龍不少地方變成澤國，但當局今次就未有再「超前部署」，不少打工仔早上冒著暴雨上班。天文台直至9時10分才發出黑色暴雨警告信號，令打工仔不滿，紛紛湧到天文台的社交媒體表達不滿，質疑為何今次不再「超前部署」。

在天文台社交媒體的帖文中，不少網民都留言鬧爆，質疑「超前部署果班人係咪返9:30？」，亦有網民揶揄「超前部署」應改名叫「忽然部署」。另外，天文台今早掛黑雨時，新界不少地方仍陽光普照，有網民就質疑天文台是「為港島人服務」，及後天文台改發紅色暴雨警告信號，新界才開始下大雨，有網民就表示「早排新界落到水浸都係黃雨/紅雨，返工返學多謝晒你地，你地嘅準則應該都係港島行先，港島冇雨就全香港都冇雨。」