設計師爆曾演「yan」字唱歌女藝人拖欠尾數$3,700　網民狂估吳日言

今日（7日）網民「19hkdesigner」在網上發文分享設計師慘況，提到自己為某位女藝人開餐廳負責設計及印刷，但最後對方認為他的收費過高，於是走數，最後網民入稟小額錢債審裁處，法庭判女藝人需要支持申索人應收款項及訟費，但對方指女藝人至今仍然拒絕找數，而網民在裁判書上打格仔，只顯示了一個「yan」字，其後又指女藝人「之前唱歌 有拍過學警出更」，令不少網民紛紛猜測是誰，不少人認為近年投身飲食業的吳日言最有可疑，但至今吳日言未有回應事件。

網民「19hkdesigner」今日以「女藝人走$3,700尾數(二)」為題，寫道：「女藝人要開新餐廳，朋友搵咗我做設計同印刷，後尾佢想加單印多啲，報完加單個價平唔過E Pxxxt，發脾氣直接走埋之前筆尾數，最後入咗小額錢債計埋其他數(如圖)，搞咗一年，法庭判我贏，但對方至今仍拒絕找數。」

該設計師網民詳細列出對方要求十項的報價，他就表示因為對方是一張大單，因此計得便宜一點。「跟住佢就係咁越cut越少，cut到6樣出單，仲不忘叫我出多一張報價單，數目寫大啲俾佢去呃正苦subsidy (支援香港品牌拓展海外市場) 」。他奉勸大家不要以為對方大單就報價平一點，客人未必會多謝你，還要寫明每樣原價幾錢，整張單一齊計埋才有幾多discount等等。「所以我今次瀨哂嘢，又計得好平又受哂氣，做譚仔阿姐仲好搵。」

該設計師網民上載了一張裁判書，上面顯示名字僅列出「yan」字，其後他又表示「佢個名應該個個都識，但真係唔係咁紅」、「之前唱歌 有拍過學警出更」、「佢間餐廳都仲喺香港做緊」，又指對方已婚，女藝人的丈夫原本打算找數，但最後不了了之。「真！傾咗係點就係點，見咗幾次官，傾和解果陣，女藝人老公仲話得果幾千蚊咁少，即找啦！之後應該俾老婆鬧，跟住走數。」

從該設計師網民提供的線索，走數的女藝人曾唱歌及拍過《學警出更》，有份參演的女藝人並會唱歌的包括容祖兒、薛凱琪及吳日言，而當中只有吳日言近年轉投飲食業，現時她名下有牛肉麵、月子套餐及派對到會三間不同餐飲公司。因此，不少網民都有tag早前移居英國的吳日言，問她有沒有回應。不過，吳日言並未作出任何回應，亦如常更新IG分享自己在英國的近況。