【賽事】成WBF世界拳后後首場職業賽 「婚紗拳后」陳衍婷第二回合極速KO泰國對手

「婚紗拳后」陳衍婷自去年成功贏得WBF世界拳后金腰帶，日前再次在泰國出戰，與當地前五名女子拳擊運動員 Sukanya Wiriya 於 Global War-A Boxing Showdown 八回合蠅量級賽事中對決！陳衍婷於第二回合 KO 對手，迎來職業生涯中第九場勝利：「2025 年啱啱先開始，目標今年內挑戰多兩條金腰帶，去拉斯維加斯嘅擂台，展示香港運動員同香港女子堅毅不屈嘅的精神！」

圖片由公關提供

Global War-A Boxing Showdown 早前在泰國世界暹羅體育場（World Siam Stadium）舉行，吸引來自美國、英國、澳洲、日本等世界各地的拳擊運動員參賽。這次更是陳衍婷獲WBF世界拳后後首場職業賽，她說：「我知道對手本身唔係打蠅量級，但係佢特登減磅嚟挑戰我，有壓力係無可避免嘅。不過，我知道自己一啲都唔孤單，我帶住屋企人、朋友、教練同贊助商嘅支持而戰，佢哋畀咗我堅持落去嘅動力！」

圖片由公關提供

賽前，陳衍婷特意於高溫環境下進行高強度訓練，再一次挑戰個人極限：「啲空氣好似燒過咁，真係好窒息，但係我嘅性格就係遇強愈強。相比喺香港每回合休息一分鐘，今次特登縮短中場休息時間到 30 秒，磨練自己嘅意志、耐力同體能。」她坦言過程雖然艱辛，但同時令她學會在疲勞中迅速調整，保持專注和動力，陳衍婷說：「我唔單止練體能，更重要係磨練心智，讓我喺逆境中變得更加堅韌！我同自己講，要帶住香港女子堅毅嘅精神一直打落去，要講畀更多人知香港人嘅強韌，亦都要成為更多追夢人嘅鼓勵！」

圖片由公關提供

提到今年目標，陳衍婷表示會再挑戰多兩條金腰帶：「我要去拉斯維加斯嘅拳擊舞台，將香港女子拳擊嘅實力話畀全世界知！」

此文章由「香港運動筆記」最初發表於 https://reurl.cc/M3RY6v