布志綸揭爸爸患柏金遜塞滿氧氣管　「好似同緊一個小朋友講嘢」

樂隊Mr.前主音布志綸近年作個人發展，昨日（4日）推出兩首新歌《要遲少少》及《喂起身！》，MV以生死為主題，他在社交平台留言表示到醫院探望留醫的布爸爸，透露對方患上柏金遜，雖然布爸爸面上塞滿氧氣吸管，聽到他的聲音仍然盡力作出反應，布志綸感性表示：「好似同緊一個小朋友講嘢咁。」

布爸爸近年身體一般，不時出入醫院，布志綸今年二月就曾透露爸爸已住院一個月，他更特別改為慶祝農曆生日為爸爸沖喜。昨日適逢兒童節及推出新歌的日子，布志綸亦到醫院探望布爸爸，他稱播了兩首新歌給爸爸聽，很開心對方聽完都有反應，他撰文描述兩父子互動：「我自言自語，同佢講我今年想講嘅故事籌備咗好一段時間，我同佢講，你個仔一直以來都冇放棄過去做音樂，一直堅持著。因為柏金遜，雖然他只可以擘大對眼，塞滿氧氣吸管的面孔，擘大個口一個窿，但係佢都嗌咗一下，然後我同佢講，得㗎啦，布媽布妹同埋我都搞得掂㗎啦，唔使擔心，過兩日我做完嘢，遲少少返嚟再探你！」不少粉絲留言為布爸爸打氣。