Lady GaGa音樂節表演支咪失靈勁狼狽　網民：有人會被炒！

美國百變天后Lady GaGa前晚連續第2星期在加州Coachella音樂節演出，不過表演期間卻遇意外支「頭戴式咪」突然失靈，「冇聲出」的GaGa勁狼狽，不過仍繼續演出完全沒有甩拍子，即時要換另一支咪繼續表演。

片中GaGa一隻手拎住支咪一邊撐住演出時的枴杖演出，之後工作人員為她換上另一個「頭戴式咪」繼續演出。片段曝光後網民表示驚訝之餘亦搞笑表示：「咁大個音樂節都出錯，肯定有人會因此被炒！」表演完畢後，在鋼琴前準備唱下一首歌的GaGa向觀眾道歉，並開玩笑說：「我好對唔住我個咪壞咗。。。至少你知道我係現場唱。我想我哋能做嘅就係傾全力演出，而我今晚絕對付出最好嘅嘢。」

東網網站 : https://on.cc/東網Facebook專頁 : https://www.facebook.com/onccnews/