與鄭嘉穎分手唔關王羽事 王馨平：係我哋行唔到落去咋

王馨平（Linda）受訪電台節目《1圈圈 星光背後》，身為一代大俠王羽同林翠的大女，Linda於93年挾「王羽囡囡」及「甄妮徒弟」之名出道火速走紅港台兩地，橫掃當年香港樂壇新人獎之餘，在台灣推出的首張國語專輯《別問我是誰》曾創下大賣60萬張的紀錄。不過，有指當年王羽在Linda的事業同愛情都要插手，令Linda的感情與音樂路都幾經兜轉。
對此Linda澄清其實遇到的事始終由她去解決，或許當年有些她處理得不好，即如當年甄妮帶她入行，又是爸爸好信任的朋友，但甄妮與爸爸都是硬脾氣的人，因為她的事令二人不開心吵架，她夾在中間左右為難，若她當時懂得處理，好好安撫他們，可能不會搞到打官司、反面。
對於很多人認她當年事業低潮期，及與鄭嘉穎的戀情，都是王羽反對所致？Linda代父親平反，自爆：「你哋錯啦！我唔係咁乖，我都幾反叛，幾主見嘅人，所以到最後係我哋兩個自己行唔到落去，唔係因為爹哋因素，我覺得父母管到仔女感情咩？係唔得，如最後要我要同某某人一齊，我諗到最後我爹哋惟有接受啫，我爹哋唔係大家諗到咁固執，喺個女面前我爹哋有佢柔情嘅一面。」
現年76歲的王羽，3年前於泰國工作期間第二度中風至今仍然響台灣醫院休養，對於爸爸將於11月獲台灣金馬獎頒發「年度終身成就獎」，Linda慨嘆說：「係遲咗啲啲，因為爹哋呢次中風好嚴重，如果3年前得到呢個肯定，真係皆大歡喜，大家可以開心慶祝。」