韓國網購！4間平價韓衣網店｜唔識韓文都買到平衫、免費直送香港！
見到韓國有咁多平衫，又冇時間飛過去採購，倒不如親自上網買！韓國網購一直深受韓國人歡迎，多款、唔使親身落去買，有不少更免費送到上門！香港網購韓國衫雖然繁複，今次編輯部就精選了4間又抵買又可以直送香港，仲有中文網頁的韓衣店，冇時間飛韓國一定要 bookmark！
文：Kassidy｜圖：相關機構
韓國網購 平過當地買！
韓國線記者驟眼一看，發現不少網購款式在首爾的梨大、高速巴士站等都找得到，但價錢就會相對便宜HK$10-HK$20~。不過網購最大敗筆就是有機會「貨不對辦」，冇得摸上手的確差少少。可是，願意承擔這個風險的話，網購絕對是好選擇。
肉肉女孩都能穿！66Girls
66Girls不單止平，而且主打 size 66 女生的衣服（M碼女生）。去過韓國都知韓國衫細件，肥少少都著唔落佢哋啲窄身衫，寬鬆款唔夠細粒的話，又會著到好臃腫。如果是著M碼的女生，就可以選購66Girls的款式，著韓衣完全冇難度！
01｜純色小V字排釦短袖上衣 ₩12,000/約HK$80
一共有5個顏色，夏天必備款式！無論是走可愛校園風，還是成熟女生都可以穿這款上衣，搭配牛仔褲及工人裙都非常好看，同色入手兩、三件都不過分。
網址：按我
02｜甜美側綁帶拉鍊A字長裙 ₩14,000/約HK$120
夏天有時要長時間留在冷氣地方，著短裙覺得凍、著長褲又覺得麻煩的話，A字長裙便是個不錯選擇！同款有8隻色，都非常易襯。
網址：按我
03｜後鬆緊細肩綁帶吊帶褲 ₩25,000/約HK$166
唔想日日著裙，但下半身較胖的女生又不太能穿窄腳褲，倒不如穿今年最流行的闊腳吊帶褲，黑色和米色非常易襯，也可以遮掩下半身的肉肉，最大size去到L！
網址：按此
10代女生最喜歡！소녀나라
被喻為韓國10代女生最喜歡的網購網站，價錢絕大部分落於HK$50-HK$150左右，非常抵買！而且款式較年輕，剛踏進社會的女生們都非常適合購買，長青款同樣也有不少！
04｜大領小洋裝連身裙₩12,900/約HK$86
今年流行復古，懶人最愛的小洋裝都可以找到大領、蝴蝶結等元素，單穿已經非常好看，絕對不會hea。
網址：按此
05｜彈性A字裙 ₩17,000/約HK$103
唔係講笑，每次想買呢種裙，下半身太肥都有機會拉唔到拉鏈。但這條就以橡筋設計，就算是肉肉的女生都可以著到收身的A字裙！
網址：按此
06｜波浪邊扣鈕吊帶背心 ₩7,000/約HK$46
背心是夏季必備的Item！波浪邊的設計帶點可愛又帶點調皮，為夏日的打扮帶來清涼感覺，加上有多款顏色可選，一定要入手啊！
網址：按此
熟女必睇！mixxmix
mixxmix的衣服走較熟女的路線，所以定價都比以上兩間來得貴一點。而款式也是比較簡單，沒有太花巧，想沉穩、不太突出的女生，必定要入手！
07｜格仔方領上衣 ₩12,000/約HK$80
這款上衣一共有淺海綠、淺黃兩隻色，加上方領及大格仔的設計，令整件上衣看起來更清新、淡雅。
網址：按此
08｜挺身連帽外套 ₩26,000/約HK$173
Oversize 外套是長著長hit，無論冬季夏季都可以著！但出面的外套一買就HK$200起跳，呢件只需要約HK$173，超抵買！加上有3色可以選擇，頂帽仲可以拆出嚟，令造型更多變化！
網址：按此
09｜牛仔闊褲 ₩19,000/約HK$126
上面介紹的闊褲就只有大地色系，而這款就只有深藍色牛仔布款，闊腳褲最適合下半身肥胖的女生穿著！
網址：按此
10｜長版波點吊帶褲 ₩21,000/約HK$140
吊帶褲長期都流行，而長版吊帶褲更可以令女生們收起胖胖的下半身，夏天搭配淨色上衣等衣服會非常好看！
網址：按此
mixxmix
網址：mixxmix.com
超多 one-piece款！HOTPING
呢間跟上面三間最不同之處，就是有非常多的one-piece款，唔使再著剩係單色的冷衫、襯衣！價錢雖然唔係HK$35、HK$70呢啲平衫價，但揀落其實都唔算貴！但要小心，有部分衫會是 made in China，記住要睇清楚先好入手！
11｜碎花one-piece ₩22,800/約HK$151
總共有4個尺碼，完全冇身形上的煩惱！以寬袖設計，可以有效地遮掩有拜拜肉的手臂；設計收腰，不怕穿起來像孕婦！
網址：按此
12｜露肩荷葉領間條One-piece ₩23,800/約HK$158
呢款One-piece適合細小的女生穿，穿起來非常可愛！裙的長度去到膝頭上少少的位置，啱哂去沙灘玩的時候著啊！
網址：按此
購買方法01｜集運自己買
網購韓衣最麻煩的，一定是運到香港的過程，有不少韓衣店都只限韓國本地運送。想買到以上4間韓衣店的衣服，可以使用不同私人公司提供的集運，有一定風險，但定必是最便宜的方法。
只要將購買的衣服寄往集運地址，全部到齊後，再送到香港就可以，一般公司的集運都需時7-14日不等。
集運公司
BuyAndShipToday：網址
Bid Hong Kong：網址
購買方法02｜台灣版韓衣網購
另一個方法就是從台灣版韓衣網店購買，現在有不少韓衣網店都會有繁體中文/日文/英語版本等等，而可以用EMS直運到香港的，就只有台灣版的網店。價格一般比韓國版本貴30%-50%不等，而且款式可能會較少，但買滿指定金額可有免運費！購買時謹記要留意，網購的衣服產自中國/韓國，不要買錯啊！
66Girls： tw.66girls.com
소녀나라：tw.sonyunara.net
mixxmix：mixxmix.hk
HOTPING：hotping.com.tw