東京夜遊新去處六月開幕！ 24小時營業美食商店街澀谷橫丁

瘋狂食嘢已經成為唔少人去日本嘅指定動作，因為返香港恐怕就搵唔返個浸微妙又美妙嘅日本味道～而東京澀谷黎緊6月開幕嘅複合型設施「MIYASHITA PARK」入面，就有一條「澀谷橫丁」商店街，令一眾為食之人萬分期待！

澀谷橫丁係一條24小時營業嘅美食商店街，位於MIYASHITA PARK南街區1樓，全長100米，集合咗19間特色食店，囊括北海道、關東、橫濱、四國、九州、沖繩等等地區嘅特色美食，餐廳、酒吧、輕食店、居酒屋通通有齊，由朝到晚都可以享受日本各地嘅好味道！

而且呢度仲會用黎做社區場所，會不定期舉行娛樂活動，例如祭典、音樂節、演歌藝術、ＤＪ表演等等，飲飽食碎之後再參與節慶活動，比大家黎到食野之餘都可以玩得開心～